Presidenti i Shteteve të Bashkuara të Amerikës, Joe Biden përsëriti mbështetjen e SHBA-së për Izraelin dhe tha se nëse SHBA-të do të sulmoheshin në mënyrën se si Izraeli u sulmua këtë fundjavë, “përgjigja jonë do të ishte e shpejtë, vendimtare dhe dërrmuese”.

“Ashtu si çdo komb në botë, Izraeli ka të drejtën të përgjigjet – me të vërtetë ka detyrë t’u përgjigjet këtyre sulmeve të egra”, tha Biden, raporton CNN, përcjell Arbresh.info.

Biden vuri në dukje se ai sapo kishte përfunduar një telefonatë me kryeministrin izraelit Benjamin Netanyahu.

“Unë i thashë atij: “Nëse Shtetet e Bashkuara përjetojnë atë që po përjetoni ju, përgjigja jonë do të ishte e shpejtë vendimtare dhe dërrmuese”, tha Biden. Ai shtoi se ai dhe Netanyahu diskutuan se si demokracitë janë “më të sigurta kur veprojmë sipas sundimit të ligjit”./Arbresh.info./